Nafnaskrá - yfirlit og skráning

Nafnaskrá geymir upplýsingar um einstaklinga og fyrirtæki/stofnanir sem tengjast aðföngum í Sarpi (t.d. höfundar, ljósmyndarar, gefendur, listamenn). Rétt og samræmd skráning í Nafnaskrá eykur leitarmöguleika og dregur úr tvíverknaði í öðrum einingum.

Hvar finn ég Nafnaskrá?

• Opnaðu Nafnaskrá í valmynd (undir Safnkostur).
• Sést hún ekki? Opnaðu valmyndina (☰) og virkjar flipann.

Skrá eða breyta nafni

1. Leita fyrst. Notaðu heildarleit eða nánari leit til að finna mögulega skráningu og forðast tvískráningu. Skoðaðu niðurstöður í töflusýn og raðaðu eftir dálkum.
2. Búa til ef ekkert finnst: veldu + Búa til og síðan viðeigandi form (einstaklingur eða fyrirtæki/stofnun).
3. Ef um íslenskan einstakling er að ræða skaltu byrja í reitnum Þjóðskrá (eftir kennitölu eða nafni). Ath.: Þjóðskrá geymir yfirleitt ekki einstaklinga sem létust fyrir 1967. Finnist ekki samsvörun í Þjóðskrá gæti kennitala/nafn þegar verið skráð í Nafnaskrá eða viðkomandi aldrei verið í Þjóðskrá. Ef hvorugt á við, stofnaðu nýja færslu og fylltu út lykilreiti (nafn, fæðingardag og – ef við á – dánardag).
4. Vista.

Skráningarreitir (algengustu)

• Heiti (fornafn–millinafn–eftirnafn) – fullt nafn án skammstafana, t.d. „Jón Jónsson“ eða „Listasafn Reykjavíkur“. Reitir fyllast sjálfkrafa ef nafn er sótt í Þjóðskrá.
• Önnur nöfn – aðrar myndanir/heiti sem við á.
• Staða – t.d. bóndi, læknir, vesturfari. Birtist á ytri vef.
• Dagsetningar – veldu tegund (oftast fæðingar- og/eða dánardagur; fyrir fyrirtæki t.d. stofndagur). Fæðingardagur í Frá (dd.mm.áááá), dánardagur í Til (dd.mm.áááá). Ath.: Sækist einstaklingur í Þjóðskrá flytjast dagsetningar sjálfkrafa.
• Staðaskrá – tengdu viðeigandi staði (t.d. fæðingarstaður, aðsetur).
• Heimilisfang – núverandi heimilisfang. Ef viðkomandi er tengdur Þjóðskrá fyllist reiturinn sjálfkrafa. Breytist heimilisfang bætist ný lína við og Uppfært dagsetning uppfærð (eldri heimilisföng varðveitast).
• Birta á ytri vef - Öll nöfn eru birt sjálfkrafa á ytri vef. Hægt er að haka við "Ekki birta á vef" ef óskað er erftir að nafnið sé ekki birt. Athuga að nafn í nafnskránni sem hefur ekki tengingu við neitt aðfang birtist ekki á ytri vef.
• Ævisaga/Ferill – undir Aðrar upplýsingar má skrá feril, heimildir og sýningar. Á að birta texta á ytri vef? Veldu tegundina vefbirting.
• Fjölskyldutengsl – tengsl milli einstaklinga (faðir, móðir, dóttir, sonur o.s.frv.). Birtist á ytri vef.
• Heimildaskrá – sækja heimildir úr einingunni Heimildaskrá (þarf að vera skráð þar). Birtist á ytri vef.
• Koma á safn – samantekt frá aðföngum sem tengjast aðilanum. Breytingar eru gerðar frá viðkomandi aðfangi.
• Eigendasaga – samantekt frá aðföngum sem tengjast aðilanum. Breytingar eru gerðar frá viðkomandi aðfangi.
• Aðföng – höfundarréttur – upplýsingar teknar frá tengdum aðföngum. Breytingar frá aðfangi.
• Rafræn skjöl – höfundarréttur – upplýsingar teknar frá tengdum aðföngum. Breytingar frá aðfangi.
• Sýningar – tengingar við sýningar sem tengjast aðilanum.
• Tengiliðir – tengiliðir (sérstaklega ef fyrirtæki/stofnun); sótt úr Samstarfsaðilar.
• Hlekkir – slóðir sem tengjast aðilanum.

Tengingar við aðrar einingar

• Aðföng – tengt sem höfundur/aðili (t.d. „Höfundur“, „Ljósmyndari“, „Gefandi“). Allar slíkar tengingar sjást í töflunni Aðföng í hverri nafnaskráningu, óháð því á hvaða safni aðföngin eru.
• Staðaskrá – í Staðaskrá má sjá hvort aðili tengist tilteknum stað.

Leit og töflusýn

• Notaðu Grunnleit til yfirsýnar; Nánari leit til að afmarka eftir tegund, stöðu og fæðingarári.
• Í Töflusýn má stilla dálka (t.d. Nafn, Staða) og röðun, vista sem sérsniðna sýn eða flytja leitarniðurstöður út sem Excel/CSV.
• Hægt er að nota Flytja út hnappinn á einstaka skráningu eða á leitarniðurstöður til að fá tiltekna tegund nafnaskýrslu.
• Vefsýn – flýtileið til að athuga tengingar við lykilskrá Landsbókasafns Íslands eða einstaklinga í sögulegu manna- og bæjatalinu.