Staðaskrá – yfirlit og skráning

Breytt Tue, 3 Mar kl 12:41 PM

Staðaskrá heldur utan um staði, t.d. jarðir, byggðarheiti, og sveitarfélög, sem tengjast aðföngum eða nöfnum. Einnig er tenging við Húsnæðis- og mannvirkjastofnun (HMS) til að auðvelda uppflettingar á lóðum/landnúmerum.

Skrá stað

Ef staður finnst ekki í leit þegar verið að tengja við aðfang. Farðu í Safnkostur → Staðaskrá.
Smelltu á + Búa til til að opna nýtt skráningarform.
Ef um íslenskan stað er að ræða: smelltu á Leita í HMS (tákn í hægra spjaldi).
Leitaðu eftir heiti eða landnúmeri. Veldu rétta færslu og smelltu á OK – upplýsingar fyllast sjálfkrafa út.
Upplýsingar sem koma sjálfkrafa frá HMS eru m.a.: nafn staðar, landnúmer, póstnúmer, sveitarfélag og hnit.
Bættu við öðrum upplýsingum eftir þörfum (t.d. byggðarheiti, land, sýslu).
Veldu tegund staðar.
(Valfrjálst) Tengdu skjöl undir Rafræn skjöl.
Undir Ítarupplýsingar er m.a. hægt að bæta við sókn/prestakalli, skrá lýsingu og sögu og tengja við Nafnaskrá.
Vistaðu.
Ef staður er ekki til í HMS (t.d. erlendis) skráirðu upplýsingar handvirkt.

Helstu reitir

Nafn staðar (t.d. Jörð/Lóð: Austurkot m/Ásakoti).
Landnúmer (HMS), og eftir atvikum Johnsennúmer og/eða fastanúmer.
Sveitarfélag, byggðarheiti, land.
Hnit (ISN93/EPSG:3057) – kerfið sýnir jafnframt WGS84 (breidd/lengd) í kortasýn.
Tengdir staðir (t.d. eldri sveitarfélög) og tengd aðföng/rannsóknir neðar í skjánum.

Hnit

Hnit fylgja oftast með úr HMS.
Ef þú skráir handvirkt: veldu rétt hnitakerfi (ISN93/ISN2016) og settu hnitin inn sem X Y (t.d. 402279 380311).
Kerfið umbreytir og sýnir samsvarandi WGS84 (breidd/lengd) í kortasýn til staðfestingar.
Ef nákvæm hnit vantar: opnaðu kortið, zoomaðu að svæðinu og settu punkt inn á réttan stað (hægri smella → point).

Ábendingar

Notaðu Leita í HMS til að staðfesta landnúmer og sveitarfélag áður en þú vistar.
Ef staður tengist aðföngum eða rannsóknum, skoðaðu listann neðar – þú getur smellt í töflunum til að hoppa í tengdar færslur.
Veldu tegund staðar (t.d. jörð/lóð) – það auðveldar leit og samræmi.

Algengar villur

„Blár punktur á röngum stað“ – hnit rangt eða skráð í rangan reit. Lausn: staðfestu hnitakerfi (ISN93/2016) og að X/Y séu rétt sniðin.
„Fann ekki í HMS“ – ófullnægjandi heiti eða rangt landnúmer. Lausn: prófaðu breiðari leit og staðfestu sveitarfélag.
Tvískráning – sami staður skráður tvisvar. Lausn: leita fyrst; láta stjórnanda vita ef þarf að sameina.

Sjá einnig