Í einingunni Rannsóknir og greiningar er hægt að finna upplýsingar um fornleifarannsóknir og fornleifaskráningar. Leit í þessari einingu byggir á sömu meginreglum og leit í öðrum einingum Sarps. Smelltu á fyrirsögn hér að neðan til að opna eða loka sýnidæmum.
Mundu
- Byrjaðu á víðri leit og þrengdu síðan með Nánari leit.
- Notaðu Atriðaskrá þegar þú vilt velja úr gildum sem eru til í kerfinu.
- Notaðu Leita eftir gildi þegar þú vilt vera viss um að leitað sé í réttum reit.
- Þú getur oft notað Ctrl-smellt / ⌘-smellt til að opna tengda færslu í nýjum glugga.
Mikilvægt um uppbyggingu og tengingar
Í einingunni Rannsóknir og greiningar eru tengingar við aðföng sýndar í flipanum Aðföng. Þar er hægt að skoða hvaða gripir, sýni eða fornleifar tengjast viðkomandi rannsókn eða skráningu.
- Fornleifarannsóknir: Í flipanum Aðföng sérðu töflu yfir jarðfundna gripi og sýni sem tengjast viðkomandi rannsókn. Þú getur smellt á færslu í töflunni til að skoða hana. Með því að halda niðri Ctrl og smella á færsluna opnast hún í nýjum glugga.
- Fornleifaskráning: Í flipanum Aðföng sérðu töflu með fornleifum sem tengjast viðkomandi skráningu. Sama gildir um smell og Ctrl-smell / ⌘-smell og í rannsóknaeiningunni.
Með því að hægri-smella á gardínuna í horninu hægra megin geturðu skoðað atriðin í töflunni í myndaboxi. Ef þú hefur heimild geturðu skilgreint þína eigin töflu eftir því hvaða reiti þú vilt sjá.
Hvernig finn ég ákveðna fornleifarannsókn eða skráningu?
Smelltu á gírtáknið sem birtist þegar farið er með músina fyrir aftan heitið Rannsóknarheiti og veldu Atriðaskrá.
Þá færðu lista yfir allar rannsóknir sem eru skráðar í Sarp og þú hefur aðgang að. Með því að velja eina rannsókn á listanum og smella á Leit færðu allar niðurstöður með því nafni sem þú valdir.
Þú getur líka farið í Nánari leit og byggt leitina upp þar.
Ef þú ert ekki viss hvað rannsóknin heitir en veist staðinn, geturðu valið leitarskilyrði eftir stað.
Hvernig finn ég allar rannsóknir frá ákveðnum stjórnanda?
Einfaldasta leiðin er að fara í reitinn Þátttakendur, smella á gírtáknið fyrir framan þátttakandann og velja Leita eftir gildi – ný leit. Ef þú ert nú þegar búin/n að byggja upp leit geturðu valið að bæta við skilyrðinu.
Þegar þú ferð í Nánari leit sérðu skilyrðið sem hefur bæst við leitina.
Þú getur síðan breytt nafninu á viðkomandi og sett inn annað nafn ef þú vilt leita að rannsóknum frá öðrum stjórnanda eða þátttakanda.
Hvernig leita ég að ákveðnu rannsóknarefni?
Notaðu reitinn fyrir rannsóknarefni í Nánari leit til að finna rannsóknir sem tengjast ákveðnu efni eða viðfangsefni.
Hægt er að setja inn mörg rannsóknarefni og nota AND / OR skipanir til að þrengja eða víkka leitina.
Hvernig vel ég bara fornleifaskráningar?
Einfaldasta leiðin er að velja gírtáknið fyrir aftan orðið Tegund og velja Atriðaskrá. Þar geturðu valið þá tegund sem á við, til dæmis fornleifaskráning.
Hvernig finn ég rannsóknir sem voru framkvæmdar á ákveðnum árum?
Einfaldast er að leita eftir ártali eða tímabili í viðeigandi reit í Nánari leit.
Reitur 1 er fyrsti reiturinn í safnnúmerum og er jafnframt notaður sem árið sem rannsókn fór fram.
Algengar villur
- Engar niðurstöður: athugaðu hvort gömul leitarskilyrði séu enn virk og hreinsaðu leitina áður en þú byrjar aftur.
- Rangt heiti eða stafsetning: notaðu Atriðaskrá til að velja gildi sem eru til í kerfinu.
- Of margar niðurstöður: bættu við fleiri skilyrðum í Nánari leit, t.d. stað, árabili, tegund eða þátttakanda.
- Færsla opnast í sama glugga: notaðu Ctrl-smell / ⌘-smell ef þú vilt halda leitarniðurstöðum opnum og skoða færsluna í nýjum glugga.
Var þessi grein gagnleg?
Það er frábært!
Þakka þér fyrir álit þitt
Því miður! Við gátum ekki verið hjálpleg
Þakka þér fyrir álit þitt
Viðbrögð send
Við kunnum að meta fyrirhöfn þína og munum reyna að laga greinina