Viðmót Sarps – yfirlit og framsetning gagna

Haus, fótur og stikur til hægri og vinstri veita aðgang að helstu aðgerðum og upplýsingum óháð einingu.

Haus

Upplýsingar um virka færslu sjást með bláu letri: auðkenni (ID), notandanafn þess sem skráði og „síðast breytt“. Með því að smella á tengilinn sést breytingarsagan.

Fótur

Neðri hluti skjásins er með aðgerðarhnöppum og sýnum. Athugið að mismunandi hnappar eru milli eininga.

• Búa til, afrita, eyða
• Vista, afturkalla, endurgera, hafna, hlaða niður
• Nánari sýn, töflusýn, myndasýn, kortasýn
• Fletta milli færslna (úr leitarniðurstöðu), skilaboð, skrá út

Vinstri stika

Vinstri hliðarstikan tilheyrir leitinni. Þar er hægt að leita eftir mismunandi leiðum.

Leit er textaleit, hægt að nota AND, OR og NOT.

Vistuð leit sýnir allar leitir sem þú hefur réttindi til að nota.

Röðun – hægt er að raða leitarniðurstöðum eftir ákveðnum gildum. Ath. ef raða á eftir safnnúmeri þá verður að nota Safnnúmer A vægi eða Safnnúmer B vægi.

Nánari leit og Saga eru með bláu letri sem þýðir að hægt er að smella á heitin. Saga sýnir síðustu leitarniðurstöður.

Hægri stika

Í hægri stikunni er hægt að skoða og vinna með atriði sem tengjast færslunni sjálfri. 

Hnötturinn leitar í Staðaskrá, t.d. ef tengja á stað við færsluna getur verið gott að nota leitina hér þar sem hægt er að velja nánari leit. 

Leit í aðföngum. Hér er hægt að finna aðföng og tengja við færsluna.

Rafræn skjöl. Hér getur þú séð öll rafræn skjöl sem tengjast aðfanginu sem þú ert að vinna í. Einnig er hægt að smella á plúsinn neðst til vinstri og bæta við nýjum skjölum. Það er líka hægt að gera með því að draga&sleppa gögnum í gluggann. Með því að hægri smella á mynd í þessum glugga getur þú valið "Bæta við tilvísun: Sjálfgefin mynd" Þá ertu að velja viðkomandi mynd sem aðalmynd. Einnig er hægt að draga myndina yfir myndagluggann.  

Með því að smella á rafrænt skjal ferðu í aðra einingu, Rafræn skjöl. Þar getur þú skráð inn fleiri upplýsingar um skjalið sjálft og valið hvort það eigi að birtast á ytri vef eða ekki. Athugið að sjálfgefið er að birta myndir á vef. 

 
Tilvísanir. Hér getur þú séð allar tilvísanir sem tengjast færslunni.

Framsetning gagna

Lista- og leitarniðurstöður má skoða sem Töflusýn, Myndasýn, Kortasýn (og eftir atvikum: dagatal / stjórnborð).

Töflusýn

• Dálkar: Bæta við / fjarlægja í valmynd; draga til að raða upp.
• Röðun: Smella á dálkheiti (hækkandi / lækkandi).
• Dálkabreidd: Draga til ef stuðningur er fyrir hendi.
• Vista snið (töflusýn): Vista uppsetningu (dálkar + röðun) til endurnotkunar.

Myndasýn

• Stærð mynda: Veldu stærð í fellivalmynd við myndasýn.
• Birting: Niðurstöður birtast sem þumljós; raðaðu eftir heiti, dagsetningu o.fl.
• Sjálfgefin mynd: Merktu rétta mynd í hægra spjaldi Skrár & tengingar.

Kortasýn

• Forsenda: Færslur verða að hafa gild hnit til að birtast.
• Aðdráttur / færsla: Músarhjól / trackpad, tvísmella eða + / –; dragðu kortið til að færa.
• Hópun punkta: Stækkaðu til að sjá stök atriði.
• Upplýsingagluggi: Smelltu á punkt → færslan velst í listanum vinstra megin; opnaðu nánar ef þarf.

Sjá einnig

• Flýtileiðir og aðrar gagnlegar aðgerðir
• Leita í aðfangi
• Aðföng – yfirlit og skrár
• Töflusýn - búa til sérsniðnar töflur
• Nánari leit og vistuð leit