Heimildaskrá - yfirlit og skráning

Heimildaskrá heldur utan um heimildir, s.s. bækur, greinar, skýrslur og vefsíður. Heimildaskráin er sameiginleg fyrir öll söfn sem nota Sarp – ein skráning nýtist því víðar og dregur úr tvíverknaði. Einnig sést í Heimildaskránni hvaða aðföng hafa verið tengd við heimildir á öðrum söfnum. 

Hvar finn ég Heimildaskrá?

• Opnaðu Heimildaskrá í valmynd (undir Safnkostur).
• Ef hún sést ekki: opnaðu valmyndina (☰) og virkjaðu flipann.

Framsetning gagna

• Ítarleg sýn – allar upplýsingar um heimildina; tengd aðföng birtast fyrir neðan.
• Töflusýn – listar upp heimildir með helstu reitum (titil, höfund, ár, tegund). Hægt að útfæra eftir þörfum og sækja í Excel.

Skrá nýja heimild

1. Leita fyrst hvort heimild er þegar til: sláðu inn titil eða höfund í leitarreit. Veldu heimild ef hún er til.
2. Búa til nýja: ef ekkert finnst, veldu + Búa til nýja og smelltu á hnappinn „Leita í Gegni“. Leitað er eftir höfundi eða titli. Þegar rétt heimild er valin er smellt á OK og helstu reitir fyllast sjálfkrafa. Bættu við upplýsingum ef þarf. Ef heimild finnst ekki í Gegni þarf að fylla út helstu reiti (titil, höfund, ár, stað, tegund).
3. Vista.

Skráningarreitir (algengustu)

• Titill – heiti heimildar, t.d. „Söguráð íslenskrar listar“.
• Höfundur – nafn höfundar/höfunda, t.d. „Jón Jónsson“.
• Útgáfuár og útgáfustaður – t.d. „2020“, „Reykjavík“.
• Tegund – bók, grein, skýrsla, vefefni o.s.frv.

Tengja heimild við aðfang

• Þegar aðfang er skráð er hægt að tengja heimild undir flipanum Tilvísanir, reiturinn Heimildaskrá.
• Einnig er hægt að tengja fleiri færslur við heimildina beint úr Heimildaskránni með því að smella á plúsinn í töflunni og leita að aðfangi, eða fara í hægri hliðarflipa og draga aðföng beint í töfluna.