Skrá lán og samning

Hvað eru Samningar?

Samningar halda utan um formleg lán í kerfinu – bæði innlán og útlán.

Samningur skilgreinir:

• hverjir eru aðilar að láninu
• lánstíma
• skilmála og ábyrgð
• tryggingar og skjöl

Samningur getur:

• staðið sjálfstætt, eða
• verið tengdur sýningu

Svona virka lán í kerfinu

1. Samningur er stofnaður (eða opnaður).
2. Aðföng eru tengd við samning.
3. Fyrir hvert aðfang verður til Skrásett-færsla.
4. Sértækar upplýsingar eru skráðar í Skrásett.
5. Staða aðfanga er uppfærð í Skrásett eftir því sem lánið þróast.
6. Aðföng eru skilað og staða uppfærð í Skrásett.

Skrá eða breyta samningi — skref fyrir skref

1. Smelltu á Búa til (eða opnaðu samning til breytinga).
2. Fylltu út lykilreiti:
   • Tegund og Samningsnúmer
   • Lánveitandi og Lántakandi (skráðir í Samstarfsaðilar)
   • Forvarsla (ef við á)
   • Rannsókn / Greiningar (ef um er að ræða fornleifarannsóknir)
   • Upphafsdagur og Lokadagur samnings
3. Hlaða upp Rafrænum skjölum (samningsdrög, undirrituð skjöl, tryggingavottorð).
4. Smelltu á Vista.

Tengja aðföng við samning

• Úr leitarniðurstöðum hægra megin: annaðhvort að leita eftir safnnúmeri eða t.d. úr vistaðri leit – dragðu aðföngin inn í töfluna.
• Með nánari leit í hægri flipanum: sækja aðföng úr t.d. vinnumöppu. Skrifaðu í leitarskilyrði Vinnumöppur og finndu þína möppu.

Ef aðfang er skilað, opnaðu viðkomandi Skrásett-færslu og veldu Staða = Skilað.

Fjarlægja aðfang úr samningi (ef rangt aðfang var tengt)

Ef rangt aðfang var tengt:

1. Opnaðu Skrásett-eininguna.
2. Finndu viðkomandi Skrásett-færslu.
3. Haltu mús yfir nafn samningsins.
4. Smelltu á litla X-ið.
5. Vistaðu færsluna.

Flýtileið úr samningum

Til þess að skoða aðföng tengd samningi á einfaldan hátt er hægt að smella á Flýtivísun tengilinn sem er efst hægra megin á færsluspjaldinu. Þá koma upp möguleikar á að skoða í töflu eða skoða á sjónborði.

Veldu skoða í töflu.

Mikilvægt að muna

• Sama samningur getur tengst mörgum aðföngum.
• Sama aðfang getur komið oftar en einu sinni í Skrásett ef það er í fleiri en einu láni eða sýningu.