Fornleifarannsókn - skráning og vinnsla

Rannsóknir/Greiningar-einingin heldur utan um fornleifarannsóknir og skráningar. Nákvæm skráning tryggir að gögn, niðurstöður og skjöl varðveitist og séu aðgengileg fyrir greiningu og miðlun.

Hvar finn ég Rannsóknir?

• Valmynd: Umsýsla → Rannsóknir/Greiningar.
• Samhengi við Sýningar/Samninga fer í gegnum Skrásett (Registrar); þaðan má líka stofna tengdar færslur (t.d. ástandsskýrslu) þegar við á.

Skrá eða breyta rannsókn — skref fyrir skref

1. Búa til: Smelltu á Búa til, veldu fornleifarannsókn og gefðu rannsókninni lýsandi heiti.
2. Grunnreitir:
   • Tegund skráningar: Fornleifarannsókn eða Fornleifaskráning.
   • Tegund rannsóknar (t.d. björgunaruppgröftur, framkvæmdarrannsókn, yfirborðsrannsókn).
   • Tímabil (frá–til) og Staður (veldur úr Staðaskrá).
   • Ábyrgð (á skráningunni sjálfri, skráandi notandi) og Staða verkefnis (fyrirhugað/í gangi/lokið).
   • Þátttakendur (stofnun, stjórnandi/verkefnisstjóri, starfsmenn/verktakar).
   • Hnit: hægt er að setja inn hnit- punk eða fláka.  Landshnitakerfi er valið í Tegund. Í Hnitakerfi er valið  ISN93/ISN2016 og svo hnitin sjálf X Y (t.d. 402279 380311) í reitinn Önnur hnit. Kerfið umbreytir og sýnir samsvarandi WGS84 (breidd/lengd) í kortasýn til staðfestingar í reitinum Hnit. Ef nákvæm hnit eru ekki til staðar er hægt að smella á reitinn Hnit til þess að setja punkt inn á kort - þá þarf að þysja inn með músinni eða + -. Þegar réttur staður er fundinn er hægrismellt með músinni til að setja inn punkt. Fyrir fláka er valið polygon, nokkrir punktar gerðir með músinni og svo tvísmellt til að loka.
   • Rannsóknarefni (mjög mikilvægt – hjálpar í leit og birtist á ytri vef).
   • Athugasemdir (t.d. aðferðir og verkþættir).
3. Tengja aðföng/gripi: Bættu við aðföngum beint í rannsókn eða dragðu & slepptu úr leitarniðurstöðum hægra megin.
4. Heimildir & fylgigögn: Tengdu við Heimildaskrá og hlaðið upp Rafrænum gögnum (myndir, kort, PDF). Veldu myndefni sem lýsir rannsókninni í heild.
5. Birting: Stilltu Birta á ytri vef ef á að sýna upplýsingarnar út á við.
6. Vista: Smelltu á Vista reglulega.

Framsetning gagna

• Ítarleg sýn – allar upplýsingar og reitir fyrir rannsóknina.
• Töflusýn – listar niðurstöður í töflu (hentar yfirferð og útflutningi).
• Kortasýn – sýnir rannsóknarsvæðið ef hnit eru skráð.

Tengingar og flæði

• Aðföng ↔ Rannsóknir: rannsókn tengist einu eða fleiri aðföngum (jarðfundnir gripir/sýni, fornleifar). Unnt er að stofna tengingu úr hvorri einingu sem er.
• Skrásett (Registrar): veitir heildarsamhengi við sýningar og samninga; nýtist til að sjá hreyfingar/ástand í tengslum við verkefnið.
• Flutningar / Forvarsla: ef verkefnið kallar á flutning eða ástandsskráningu skal nota samsvarandi einingar og halda tengingum gegnum Skrásett.

Leit, sýnir og útflutningur

• Grunnleit fyrir hraðyfirlit; Nánari leit til að afmarka eftir tegund, staðsetningu, ári, stöðu o.s.frv.
• Töflusýn: stilltu dálka (heiti, tegund, tímabil, staður, ábyrgð o.fl.) og vistaðu sem sýn til endurnotkunar.
• Flytja út: XLS speglar valda dálka og núverandi röðun í töflusýn.