Hér er yfirlit yfir helstu reiti í aðfangafærslum. Fyrst eru almennir reitir efst á spjaldinu og síðan flipinn Grunnupplýsingar, sem er fremsti flipinn í aðfangaskrá.
Mundu
- Vægi stýrir oft röðun og því hvað birtist fyrst.
- Sumir reitir birtast á ytri vef. Það er tekið fram við hvern kafla.
- Þú getur oft Ctrl-smellt / ⌘-smellt til að opna tengda færslu í nýjum glugga.
Reitir efst á spjaldi
Nafnaskrá
Birtist á ytri vef: Já
Hér tengir þú aðila við aðfangið, t.d. höfund, ljósmyndara, gefanda eða skrásetjara. Veldu hlutverk og/eða tileinkun eftir því sem við á.
Vægi stýrir röðun. Aðili með Vægi 1 birtist fyrst, bæði í hópreit og oft á ytri vef.
Athugið
Ef þú vilt ekki birta t.d. gefanda á ytri vef er betra að skrá slíkt í Aðfangaskrá – Eigendasaga.
Efnisorð / Heiti
Birtist á ytri vef: Já, stundum sem fyrirsögn ef titill er ekki til staðar
Veldu fyrst tegund og síðan efnisorð. Þegar þú byrjar að skrifa birtast tillögur sem passa við. Einnig er hægt að smella á táknið hægra megin til að opna valglugga.
- Smelltu á plúsinn til að bæta við fleiri efnisorðum.
- Ef titill vantar getur efnisorð orðið titill á ytri vef. Settu þá það efnisorð sem á að birtast fyrst í Vægi 1.
Samræmi í efnisorðum
Ef þú sérð tvítekin eða mjög lík efnisorð, láttu vita svo hægt sé að sameina þau og bæta leitanleika.
Flokkun
Birtist á ytri vef: Já
Veldu tegund/flokk. Reiturinn Gerð og valmöguleikar breytast eftir því hvaða flokkur er valinn. Ef bæta þarf við nýjum gildum er það gert af starfsfólki RS.
Safnnúmer
Birtist á ytri vef: Já
Veldu fyrst Númerakerfi til að fá rétta reiti. Hvert safn getur verið með sitt númerakerfi og stundum sjálfvirka talningu.
- Vægi stýrir hvaða safnnúmer birtist fyrst.
- Smelltu á plúsinn til að bæta við fleiri númerum.
- Mælt er með að velja Tegund ef hún á að birtast skýrt með númerinu.
Titill
Birtist á ytri vef: Já, oft sem fyrirsögn
Veldu tegund titils og skráðu titilinn. Titill er oft það fyrsta sem notandi sér á ytri vef.
Aldur / Tímabil
Birtist á ytri vef: Já, ef tegund = Aldur
Hér er hægt að velja fyrirfram skilgreind tímabil eða skrá aldur í reitina Frá og Til.
- nákvæma dagsetningu, t.d. 25.08.1876
- mánuð og ár, t.d. 08.1876
- bara ár, t.d. 1876
Efni / Tækni
Birtist á ytri vef: Já
Veldu tegund til að stýra hvaða orðasafn birtist. Hægt er að skrá fleiri en eitt efni eða tækni með plúsnum.
eMuseumPlus
Birtist á ytri vef: Já, sem slóð á færslu
Hér birtist slóð á aðfangið á ytri vefnum. Slóðin verður til sjálfkrafa þegar færslan er vistuð og er hægt að afrita hana eða opna aðfangið á vefnum.
Rafræn skjöl – hlaða upp
Birtist á ytri vef: Já, ef birting er leyfð á mynd/skjali
- Opnaðu aðfangið og veldu Rafræn skjöl hægra megin eða smelltu á + við myndasvæðið.
- Smelltu á + eða dragðu og slepptu skrám.
- Stilltu aðalmynd með því að hægrismella og velja Setja sem sjálfgefna mynd.
- Til að uppfæra eða eyða skrá: hægrismelltu á skrána og veldu viðeigandi aðgerð.
- Ef skrá á ekki að birtast á ytri vef þarf að stilla Internet/Birta á sjálfri myndinni í einingunni Rafræn skjöl.
Flipi: Grunnupplýsingar
Ath.: Sumar aðfangategundir hafa ekki sömu grunnupplýsingar.
Stærðir
Birtist á ytri vef: Já
Veldu mælieiningu og skráðu stærðir, t.d. þyngd, ummál eða aðrar mælingar. Eftir breytingar er gott að smella á Uppfæra forskoðun. Sláðu inn * til að sjá allar mælieiningar í boði.
Staðaskrá
Birtist á ytri vef: Já, yfirleitt fyrsta innleggið
Veldu stað úr Staðaskrá Sarps. Ef staður finnst ekki þarf að skrá hann í staðaskrá fyrst. Til að fjarlægja valinn stað smellir þú á X.
Lýsing
Birtist á ytri vef: Já
Skráðu lýsingu á aðfanginu. Fyrir langan texta getur þú notað stækkunarglerið í reitnum.
Aðrar upplýsingar
Birtist á ytri vef: Að hluta, t.d. Heimildir og Sýningartexti
Smelltu á plúsinn fyrir framan reitinn og veldu tegund upplýsinga.
- Höfundur tengist Samstarfsaðilum. Ef nafnið finnst ekki þarf að skrá aðilann þar.
- Heimildir og Sýningartexti birtast á ytri vef.
Hnit
Birtist á ytri vef: Já, sem kort ef hnit eða staður eru tengd
Veldu hnitakerfi, yfirleitt Ísnet 93, og skráðu hnit með punkti, ekki kommu. Ef hnit vantar getur kort stundum byggst á tengdum stað úr Staðaskrá.
Birta á vef
Birtist á ytri vef: Stýrir birtingu
Hér velur þú hvort færslan eigi að birtast á ytri vef.
- Vægi skiptir máli í Nafnaskrá, Efnisorðum og Safnnúmerum.
- Rafræn skjöl: stilltu aðalmynd og athugaðu birtingu á sjálfri myndinni.
- Hnit: veldu hnitakerfi og notaðu punkt, ekki kommu.
- Efnisorð: titill vantar og ekkert vægi er stillt.
- Rafræn skjöl: skrá birtist óvart vegna birtingarstillinga.
- Hnit/kort: vantar hnitakerfi eða notuð er komma í stað punkts.
- Staðaskrá: staður þarf að vera til í Staðaskrá áður en hann er valinn.
Var þessi grein gagnleg?
Það er frábært!
Þakka þér fyrir álit þitt
Því miður! Við gátum ekki verið hjálpleg
Þakka þér fyrir álit þitt
Viðbrögð send
Við kunnum að meta fyrirhöfn þína og munum reyna að laga greinina