Jarðfundnir gripir - skráningareitir

Hér er yfirlit yfir helstu reiti og flipa sem eru notaðir við skráningu á jarðfundnum gripum. Neðst í greininni má sjá örmyndband um sama efni.

Safnnúmer

• Veldu fyrst Númerakerfi.
• Dæmi um B-númer: Reitur 1 = ár, Reitur 2 = rannsóknarnúmer, Reitur 3 = hlaupandi númer.
• Vægi stjórnar hvaða númer birtist fyrst.
• Notaðu + til að bæta við fleiri númerum.
• Veldu Tegund ef hún á að birtast með númerinu.

Efnisorð / Heiti

Þetta er lykilreitur fyrir leit og birtingu.

• Veldu úr lista, ekki hægt að skrá sem frjálsan texta.
• Sláðu inn leitarorð til að finna rétt heiti.
• Veldu það heiti sem lýsir gripnum best. Bættu við Athugasemdum ef þarf.

Flokkun

Veldu Jarðfundir og síðan rétta tegund jarðfundar. Setti 1 í vægi.

Aldur

Hér getur þú valið fyrirfram skilgreind tímabil eða skráð aldur í reitina Frá og Til. Ekki er nauðsynlegt að velja tímabil; nóg er að velja tegundina Aldur og skrá í reitinn frá og/eða til.

• Veldu tegundina Aldur eða Áætlaður aldur frá.
• Skráðu 1 í vægi.
• Skráðu aldur sem nákvæma dagsetningu, mánuð og ár eða aðeins ár, t.d. 25.08.1876, 08.1876 eða 1876.
• Nákvæm dagsetning fer í reitinn Frá. Aldursbil fer í reitina Frá og Til.
• Notaðu alltaf tölur, t.d. 1700–1800, ekki „17. öld“, svo aðfangið finnist í leit.

Efni / Tækni

Veldu fyrst tegund, t.d. Efni, og síðan gildi úr lista yfir efni sem gripurinn er gerður úr, t.d. málmur eða járn.

Til að skrá tækni velur þú Tækni sem tegund og velur síðan úr lista hvaða tækni var notuð við gerð hlutarins, t.d. járnsmíði. Notaðu litla plúsinn til að bæta við fleiri efnum eða tækni. Gott er að setja vægi 1 fyrir efni og vægi 2 fyrir tækni.

Stærð

Veldu mælieiningu og skráðu stærðir, t.d. þyngd, ummál eða aðrar mælingar.

• Notaðu * til að sjá hvaða mælieiningar eru í boði.
• Ef þú breytir tölum í reitnum þarftu að smella á Uppfæra forskoðun.
• Settu 1 í vægi fyrir þá stærð sem á að koma fremst í listanum.

Lýsing

Lýsing er frjáls textareitur þar sem gripnum er lýst. T.d. lögun, litur, ástand, skreytingar, brot og önnur sýnileg einkenni.

Aðrar upplýsingar

Hér eru textareitir fyrir Sögu, Nánari lýsingu, Munnmæli, Sýningartexta, Heimildir o.fl.

Hnit

Veldu tegundina Landshnitakerfi og síðan hnitakerfi, yfirleitt Ísnet 93.

Í reitinn Hnit X Y skráir þú hnit með punkti (.), ekki kommu. Komma eða bil er notað til að aðgreina X frá Y.

Ef hnit eru slegin rétt inn birtast þau í reitnum Hnit GIS. Smelltu á táknið lengst til hægri til að sjá staðsetninguna.

Einnig er hægt að skrá hnit með punkti eða polygon ef þú hefur ekki tölurnar eða vilt hafa stórt svæði.

Veldu fyrst tegund og hnitakerfi. Smelltu síðan á litla táknið í reitnum Hnit GIS. Finndu staðinn, hægrismelltu á hann og veldu Point eða Polygon.

Ef aðfang hefur ekki hnit getur kerfið birt staðsetningu á korti á ytri vef út frá Staðaskrá, ef staður er tengdur.

Staðaskrá

Veldu tegund, skráðu 1 í vægi og veldu stað úr Staðaskrá Sarps.

• Ekki þarf að skrá sveitarfélag sérstaklega; það fylgir staðnum.
• Ef staður finnst ekki þarf að skrá hann í Staðaskrá fyrst. Sjá nánar hér.
• Þú getur Ctrl-smellt / ⌘-smellt til að opna staðinn án þess að fara úr skráningu.

Til að fjarlægja valinn stað smellir þú á ruslafötuna.

Fjöldi

Hér er skráður fjöldi gripa sem er undir viðkomandi númeri.

Lýsing innihalds

Í þennan reit má setja inn upplýsingar um fjölda brota, t.d. ef gripurinn er í mörgum brotum.

Birta á vef

Staða skráningar

Hér skal skrá hvort um er að ræða frumskráningu, grunnskráningu eða ítarskráningu.

Flipi: Jarðlag / Sýni

Jarðlagaupplýsingar

Hér er hægt að velja jarðlag eða mannvirki. Skráðu gerð, númer og svæði.

• Hægt er að bæta við athugasemdum ef þarf.
• Notaðu litla plúsinn ef skrá þarf bæði mannvirki og jarðlag.
• Það má einnig skrá aðeins svæði.
• Mikilvægt er að setja 1 í vægi fyrir það sem er fyrst skráð.
• Ath.: Ekki skrá númer jarðlags í reitinn Eining; hann er aðeins fyrir sýni.

Flipi: Tengd aðföng

Tengd aðföng

Ef aðfang er tengt öðru aðfangi, t.d. hluti af öðrum grip, er hægt að skrá tenginguna hér.

Best er að finna gripinn með ID-númerinu sem er efst í hægra horninu.

Ekki þarf að skrá undirskrá, en gott getur verið að nota vinnumöppu til að halda utan um skráningarnar þínar.

Flipi: Aðfangaskrá

Koma á safn

Hér skráir þú fundardag og/eða finnanda.

• Hægt er að skrá bæði finnanda og fundardag á sama tíma.
• Veldu tegund, vægi 1 og nafn úr Nafnaskrá.
• Ef nafn finnst ekki þarf að skrá það í Nafnaskrá. Sjá nánar um það hér.
• Fundardagur er skráður í reitinn Dagsetning frá.

Flipi: Tilvísanir

Heimildaskrá

Ef ritheimild hefur verið skráð í Heimildaskrá er hægt að ná í hana úr lista og tengja við rannsóknina.

Annars er hægt að skrá hana sem nýja heimild. Hægt að tengjast Gegni í gegnum Heimildaskrá og finna heimildina þar. Sjá nánar hér hvernig heimild er skráð í Heimildaskrá.

Rannsóknir / Greiningar

Hér er gripur tengdur við rannsókn.

• Ýttu á * til að sjá allar rannsóknir.
• Ef leita á að ákveðinni rannsókn er best að skrifa inn rannsóknarnúmerið.
• Ef rannsókn finnst ekki þarf að stofna hana fyrst. Það er gert af starfsfólki Þjóðminjasafn Íslands.

Ástand og hætta

Ástand

Hægt er að velja tegund úr lista eða smella á táknið hægra megin við reitinn til að sjá lista. Þegar nýtt ástand er skráð helst eldra ástand inni og ný dagsetning bætist við. Þannig er hægt að halda utan um ástandssögu aðfangsins.

Hætta

Ef hætta er til staðar, t.d. vegna meðhöndlunar grips, skal skrá það í þennan reit. Ef hakað er við Virk birtist hættumerki á grunnspjaldinu.

Tengja myndir

1. Smelltu á + eða dragðu og slepptu skrám yfir myndasvæðið.
2. Ef fleiri en ein mynd er tengd aðfanginu er hægt að sjá þær allar með því að smella á filmutáknið lengst til hægri.
3. Stilltu aðalmynd með því að hægrismella á mynd og velja Sjálfgefin mynd.
4. Ef mynd á ekki að birtast á ytri vef: tvísmelltu á myndina til að fara í Rafræn skjöl og stilltu Internet = Ekki birta á ytri vef.

Örmyndbönd