Nafnaskrá

Í Nafnaskrá er hægt að velja milli heildarskrár nafna og hópa sem merktir eru hver með sínum hætti í nafnasniðinu. Hér verður Nafna-hlutinn notaður.

Leita í nafnaskrá:
1. Sem fyrsta skref í tengingu nafna við skráningu er gífurlega mikilvægt að athuga hvort nafnið sé nú þegar skráð í nafnaskrá, til koma í veg fyrir tvískráningar. Í skráningarferlinu er nafnaskrá opnuð með því að ýta á „+“ fyrir aftan reitinn sem verið er að fylla út. Þá opnast leitargluggi í nafnaskrá.
2. Síðan er nafn, kennitala, heimilisfang eða einhverjar upplýsingar sem vitað er um einstaklinginn settar í reitinn „Finna“. Mikilvægt er að muna að stilla flipann á það sem verið er að leita eftir til að fá niðurstöður fyrir leitina. Hægt er að sjá og stilla fjölda birtra niðurstaðna. Sjá mynd:
3.    Þegar rétta nafnið er fundið er tvísmellt, og er skráningaraðilanum aftur beint sjálfkrafa yfir i skráningarsniðið. 

Skrá nýtt nafn

Þegar búið er að leita í nafnaskrá og sannreyna að einstaklingurinn sem verið er að leita að er ekki til þar, þarf að skrá nafnið.

1.    Til að skrá nýtt nafn er farið í „Nafnaskrá“ -> „Nöfn“. Síðan er smellt á „NÝTT NAFN“:

Í kjölfarið birtist skráningarsniðið fyrir nafnaskráningu

Grunnupplýsingar:

Við útfyllingu nafnareitanna er vísað í hjálp undir ?-hnöppunum eða  Leiðbeiningahandbók um skráningu í Sarp.

1.  Sé um að ræða Íslending sem látinn er eftir 1970 er hann að finna í þjóðskrá og er þá smellt á hnappinn „Leita í þjóðskrá“. Sjá mynd:
 

2.  Leit í Þjóðskrá: Nafn birtist sjálfkrafa í felliglugganum. Sé fæðingardagur og -ár þekkt er þó skilvirkast að stilla leitina „Finna“ á „Kennitala“ í felliglugganum, slá inn fyrstu sex tölurnar í kennitölu og þá birtast 20-30 niðurstöður þar sem auðvelt er að finna réttan aðila. Smellt er á „+“ við nafnið til að sækja upplýsingarnar í nafnasniðið.

3. Sé viðkomandi ekki í þjóðskrá eru allar þekktar upplýsingar skráðar inn, m.a. kyn, nafn o.s.fv. sem vitað er um og síðan er smellt á „Búa til gervi“ (-kennitölu) og smellt á „Skrá“. Ath. að ekki má líða langur tími frá því gervikennitala er smíðuð þar til sniðið er vistað þar sem annar skrásetjari gæti tekið þá tölu. Sjá mynd:

4. Fylla skal út aðra upplýsingareiti eftir því sem upplýsingar gefa tilefni til. Mikilvægt er að afhaka „Virk/ur“ ef ekki er um heimildarmann þjóðháttaskrár að ræða. Til að ljúka skráningunni er síðan smellt aftur á „Skrá“ Sjá mynd: